ہفتہ صادقین علیہماالسلام کے پروگراموں کے سلسلے میں حرم مقدس امیرالمؤمنین علیہالسلام میں رسول اکرم صلیاللهعلیہوآلہ اور امام جعفر صادق علیہالسلام کی ولادت با سعادت کی مناسبت سے پہلی عوامی محفل کا انعقاد کیا گیا، تقریب میں نغماتِ محمدی کی گونج اور زائرین کی وسیع شرکت نمایاں رہی۔
حرم مقدس امیرالمؤمنین علیہالسلام میں ہفتہ صادقین علیہماالسلام کے پروگراموں کے تحت رسول اکرم حضرت محمد مصطفی صلیاللهعلیہوآلہ اور حضرت امام جعفر صادق علیہالسلام کی ولادت باسعادت کے موقع پر پہلی عوامی محفل منعقد کی گئی۔
محفل کے دوران صحن حرم مقدس نغماتِ ولائے محمدی سے گونج اٹھا اور عاشقانِ رسول صلیاللهعلیہوآلہ و اہل بیت علیہمالسلام نے روحانی و پُرمسرت فضا میں اس بابرکت مناسبت کو عقیدت و احترام کے ساتھ منایا۔
یہ محفل حرم مقدس امیرالمؤمنین علیہالسلام کے اسٹریٹجک پلاننگ اینڈ ڈویلپمنٹ سینٹر کے ماتحت شعبۂ نَظْم اور اس کے ذیلی شعبۂ عوامی سرگرمیوں کے زیر اہتمام منعقد ہوئی۔
اس موقع پر اس شعبے کے ذمہ دار، امیر علی عبادی نے کہا کہ عوامی محافل کا انعقاد ہمارے مرکز کے مستقل پروگراموں کا حصہ ہے جس کی پہلی محفل حرم مقدس امیرالمؤمنین علیہالسلام میں منعقد کی گئی اور آئندہ بھی شہر نجف اشرف کے مختلف حصوں میں، عوامی انجمنوں اور موکبوں کے تعاون سے جشن و محافل کا سلسلہ جاری رہے گا۔
قابل ذکر ہے کہ ہفتہ صادقین علیہماالسلام ہر سال 13 تا 17 ربیع الاول صحن حضرت فاطمہ سلاماللہعلیہا میں منعقد کیا جاتا ہے،اس موقع پر مختلف علمی و ثقافتی پروگرام، ترقیاتی اقدامات، عوامی جشن، محافلِ حوصلہ افزائی اور کئی خدماتی منصوبوں کا افتتاح بھی شامل ہوتا ہے۔
