بینالاقوامی ہفتۂ صادقین علیہماالسلام کے موقع پر حرم مقدس امیرالمؤمنین علیہالسلام نے ’’نبوی‘‘ کے عنوان سے پہلا آن لائن مقابلہ شروع کیا،یہ مقابلہ شیخ علی کورانی کی کتاب السیره النبویه عند اهلالبیت علیہمالسلام سے ہو گا ہے، کامیاب ہونے والوں کو عمرہ، ٹیبلٹ، نقد انعامات اور متبرک تحائف سے نوازا جائے گا۔
حرم مقدس امیرالمؤمنین علیہالسلام نے بینالاقوامی ہفتۂ صادقین علیہماالسلام کے خصوصی پروگراموں میں پہلی بار نبوی آن لائن مسابقہ شروع کیا ہے۔
حرم مقدس کے شعبہ امورِ دینی سے وابستہ تبلیغی یونٹ نے اعلان کیا کہ یہ مقابلہ شیخ علی کورانی کی کتاب السیره النبویه عند اهلالبیت علیہمالسلام سے ہوگا،اس کا پہلا مرحلہ کتاب کے صفحات 1 تا 250 پر مشتمل ہے،اس اقدام کا مقصد شرکاء کے ذہنوں میں سیرتِ پیغمبر اکرم صلیاللهعلیہوآلہ کے مستند اور بنیادی مفاہیم کو اجاگر کرنا ہے۔
شعبہ دینی تبلیغ کے ذمہ دار شیخ ہانی کنانی نے وضاحت کی کہ اس مقابلے میں رجسٹریشن اور شرکت ’’وافد‘‘ ایپلیکیشن کے ذریعے ہوگی، جو حرم مقدس امیرالمؤمنین علیہالسلام کے انفارمیشن ٹیکنالوجی سینٹر سے وابستہ ہے اور میڈیا سیکشن کے تعاون سے کام کر رہی ہے،شرکاء کو مقابلے میں حصہ لینے کے لیے اس ایپ کا جدید ورژن انسٹال کرنا ہوگا۔
کنانی نے انعامات کی تفصیل بتاتے ہوئے کہا کہ پہلا انعام زیارتِ عمرہ کی سعادت ہوگی، دوسرے نمبر پر آنے والے کو ایک ٹیبلٹ دیا جائے گا اور تیسرے نمبر پر نقد انعام دیا جائے گا، اس کے علاوہ سات دیگر شرکاء کو حرم مقدس امیرالمؤمنین علیہالسلام کی جانب سے مرمر کی بنی ہوئی متبرک شمشیر بطور انعام پیش کیے جائے گی ۔
یہ مقابلہ 18 اکتوبر 2025 تک جاری رہے گا اور اس کے نتائج 23 اکتوبر کو اعلان کیے جائیں گے۔
یہ اقدام حرم مقدس امیرالمؤمنین علیہالسلام کی جانب سے جدید ٹیکنالوجی کے استعمال کے ذریعے دینی معارف کے فروغ اور سیرتِ نبی صلیاللهعلیہوآلہ کے عاشقوں کی خدمت کے لیے گہری دلچسپی کی علامت ہے۔
