ہفتہ صادقینؑ کے آغاز پر مرکز ثقافتی محسن نے "علوی جوان ” کے عنوان سے پروگرام منعقد کیا،یہ پروگرام 15 تا 17 سال کے نوجوانوں کے لیے تعلیمی اور مہارتی سرگرمیوں پر مشتمل ہے جس کا مقصد ان کی صلاحیتوں کو نکھارنا اور مثبت توانائی فراہم کرنا ہے۔
ہفتہ بینالمللی صادقین علیہماالسلام کے آغاز پر، نبی اکرم حضرت محمد مصطفیٰؐ اور امام جعفر صادق علیہ السلام کی میلاد کی مناسبت سے محسنمرکز ثقافتی نے علوی جوان کے نام سے خصوصی پروگرام منعقد کیا، یہ پروگرام مختلف عمر کے نونہالوں، نوجوانوں اور جوانوں کے لیے ترتیب دیا گیا ہے۔
پروگرام کے ذمہ دار مرتضی خزاعی نے وضاحت کی کہ یہ پروگرام دوسری بار منعقد کیا جا رہا ہے اور اس کا اعزاز یہ ہے کہ یہ حضرت علی اکبر علیہ السلام کے نام سے منسوب ہے۔اس مرحلے کی سرگرمیاں امام حسنؑ سٹی میں نوجوانوں کی مہارتوں کے فروغ کے لیے منعقد ہوئیں۔
انہوں نے مزید بتایا کہ یہ پروگرام خاص طور پر حرم مقدس امیرالمؤمنین علیہ السلام کے خادمن کے 15 سے 17 سالہ بچوں کے لیے منعقد کیا گیا ہے،اس میں تعلیمی اور مہارتی سرگرمیاں شامل ہیں جن کا مقصد نوجوانوں کی صلاحیتوں کو پروان چڑھانا اور ان کے اندر پوشیدہ استعداد کو نکھارنا ہے۔
خزاعی نے اس بات پر بھی زور دیا کہ یہ پروگرام محض تقاریر پر محدود نہیں ہے بلکہ اس میں دلچسپ اور تخلیقی سرگرمیاں، کھیل اور تعلیمی و مہارتی پروگرام شامل ہیں جو نوجوانوں کو الیکٹرانک آلات کے منفی اثرات سے دور رکھتے ہیں، اس کے برعکس، یہ پروگرام انہیں مثبت توانائی، نئی مہارتیں اور ایک خوشگوار و مفید تجربہ فراہم کرتا ہے۔
