حرم مقدس امیرالمؤمنین علیہ السلام ولادتِ رسول اکرم صلی اللہ علیہ وآلہ وسلم اور امام جعفر صادقؑ کی مناسبت سے جشن و نور میں ڈوبا ہوا ہے،زائرین اور عشاقِ اہل بیتؑ کے قلوب خوشی اور شوق سے معمور ہیں۔
جوں ہی ایامِ ولادتِ پیامبر اعظم حضرت محمد مصطفی صلی اللہ علیہ وآلہ وسلم اور امام جعفر صادق علیہ السلام قریب آتے جا رہے ہیں،صحن و سرائے حرم مقدس امیرالمؤمنین علیہ السلام زائرین اور محبانِ اہل بیتؑ کے جوش و خروش اور شوق و محبت سے معمور ہوگئے۔
حرم مقدس امیرالمؤمنین علیہ السلام کی جانب سے جاری مناظر میں دیکھا جا سکتا ہے کہ حرم مقدس ان دنوں نور، بہجت اور روحانی مسرت سے سرشار ہے جو جشن میلاد النبیؐ اور ولادتِ امام صادقؑ کے پرمسرت ایام کی عکاسی کر رہا ہے۔
یہ نورانی فضا زائرین کے لیے نہ صرف محبت و عقیدت کا ذریعہ ہے بلکہ میلاد کی خوشبو کو دنیا بھر کے عشاق تک پہنچانے کا ایک حسین جلوہ بھی ہے۔
